बुधबार, मंसिर २१, २०७९

दार्चुलाका बाढीपहिरो, अझै फेला परेनन् १० जना

फ्ल्यासन्युज नेपाल२०७९ भदौ २६ गते ८:५७

अविरल वर्षासँग शुक्रबार रातिदेखि आएको पहिरो र बाढीले जिल्लाको महाकाली नगरपालिका र नौगाड गाउँपालिकामा ठूलो जनधनको क्षति गरेको छ ।

हालसम्म ५ जनाको शव फेला परेको, १० जना बेपत्ता भएको र ८ जना घाइते भएको जिल्ला प्रहरी कार्यालयका निमित्त प्रमुख प्रहरी निरक्षक -इन्सपेक्टर_ जगत मगरले जानकारी दिए । ८ जना घाइते मध्ये पाँच जनाको उपचार भइरहेको छ भने ३ जना डिस्चार्ज भइसकेका छन् ।

बेपत्ता भएकाहरूको आज पनि सुरक्षाकर्मी र स्थानीय नागरिकले खोजी कार्य गरिरहेको इन्सपेक्टर मगरले बताए ।

आजदेखि राहत वितरणसँग बाढीले थप क्षति नहोस् भनेर लास्कु खोलामा स्थायी तटबन्धन लगाउन सुरु गरिएको छ ।

साथै, सडक सञ्जालबाट विच्छेद भएको दुहु गाउँपालिकालाई सदरमुकामसँग जोड्ने काम पनि सुरु गरिएको छ । नेपाली सेनाको टोलीले दुहुँ जाने सडक मर्मत गर्ने काम सुरु गरेको इन्सपेक्टर जगत मगरले बताए ।

लास्कु खोलामा आएको बाढीले झोलुङ्गे पुल र बन्दै गरेको पक्की पुल बगाएपछि खोलापारिको बस्ती बजारसँग विच्छेद भएको छ ।

बाढीले पुल भत्काएपछि सदरमुकाम जाने भारतको बाटो हुँदै महाकालीका अन्ने पुलको प्रयोग गर्ने पर्ने बाध्यता रहेको दुहु गाउँपालिकाका अध्यक्ष नरेन्द्रबहादुर सिंह बडालले बताए । केही दिनमै सडक मर्मत भइसक्ने उनको भनाइ छ ।

तपाइँको प्रतिक्रिया