मंगलबार, माघ २४, २०७९

मेटमणि चौधरीको आरोप, प्रचण्डले नेकपा एसको निर्णय लागू गर्न दिएनन्

फ्ल्यासन्युज नेपाल२०७९ असार १० गते १५:२१

नेकपा एकीकृत समाजवादीका सचिव तथा प्रस्तावित मन्त्री मेटमणि चौधरीले माओावादी केन्द्रका अध्यक्ष पुष्पकमल दाहाल प्रचण्डका कारणले मन्त्री हेरफेरको निर्णय लागु नभएको आरोप लगाएका छन् ।

चौधरीले प्रधानमन्त्री शेरबहादुर देउवाले नेकपा एसको निर्णयलाई बेवास्ता गर्नुमा माओवादी अध्यक्ष प्रचण्डको हात रहेको बताएका हुन् ।

प्रधानमन्त्रीलाई प्रचण्डले प्रभावित पारेको चौधरीको दाबी छ ।

काठमाडौँमा जारी पोलिटव्युरो बैठककै क्रममा पत्रकारसँग कुरा गर्दै चौधरीले यस्तो बताएका हुन् ।

गठबन्धनको ठूलो दलको सिफारिस नै कार्यान्वयन नहुने भएपछि सत्ता गठबन्धनमा बस्नुको औचित्य नहुने चौधरीको भनाइ छ ।

उनले कि त नेकपा एस चाहिँदैन भनेर प्रधानमन्त्रीले भन्नुपर्ने बताए ।

नेकपा एसकै कारण माओवादी अहिले सरकारमा रहेको र धेरै मन्त्री पाएको भन्दै उनले पार्टीको सार्वभौम निर्णयमाथि प्रचण्डले हस्तक्षेप गरेको बताए ।

उनले पार्टीले पठाएका मन्त्रीहरूले गैर जिम्मेवार व्यवहार देखाएको भन्दै उनीहरू मन्त्री बन्ने बेला जुन ठाउँमा निर्णय भएको हो अहिले पनि त्यही ठाउँबाट भएको बताए ।

६ महिनाका लागि मन्त्री बनेकाहरूले ९ महिनासम्म खाएको भन्दै नैतिकता भए पार्टीले निर्णय गर्नासाथ राजीनामा गर्नुपर्ने चौधरीले बताए ।

तपाइँको प्रतिक्रिया