बिहीबार, माघ २६, २०७९

प्रधानमन्त्री देउवा संसदमा जवाफ दिन छोडेर एनआरएनएको कार्यक्रममा

फ्ल्यासन्युज नेपाल२०७९ असार २ गते १६:११

प्रधानमन्त्री शेरबहादुर देउवाले आज संसद बैठकमा जवाफ दिन कार्यसूची रहेको थियो ।

तर प्रधानमन्त्री देउवा भने प्रतिनिधिसभा बैठकमा उपस्थित नै भएनन् । उनले सांसदहरुले उठाएको जवाफ दिन छाडेर एक होटलमा आयोजित गैरआवासीय नेपाली संघको कार्यक्रममा सहभागी भएका छन् ।

देउवाले सदनमा प्रधानमन्त्री तथा मन्त्रिपरिषद कार्यालय र रक्षा मन्त्रालयको बजेटमाथि सांसदहरुले उठाएको प्रश्नको जवाफ दिने कार्यक्रमलाई छोडेर उनी एनआरएनएको कार्यक्रममा सरिक भएका हुन् ।

देउवा संसद बैठकमा सहभागी नभइ बिहीबार दिउँसो साढे २ बजे होटल रेडिसनमा गैर आवासीय नेपाली संघले आयोजना गरेको कार्यक्रममा सहभागी भएका सचिवालयले जनाएको छ ।

संसदमा नेमकिपाका सांसद प्रेम सुवालले प्रधानमन्त्री किन अनुपस्थित हुनुभएको भनी प्रश्न गरेका छन् । उनले प्रधानमन्त्रीको जवाफ अरुले दिन नमिल्ने भन्दै नियमापत्ति जनाएका छन् ।

उता प्रधानमन्त्रीका तर्फबाट गृहमन्त्री बालकृष्ण खाणले जवाफ दिइरहेका छन् ।

तपाइँको प्रतिक्रिया