मंगलबार, माघ २४, २०७९

सेतो मच्छिन्द्रनाथको रथयात्रा शुरु

फ्ल्यासन्युज नेपाल२०७८ चैत २६ गते २०:५४

आज बाट वर्षा र सहकालका देवता मानिएका सेतो मच्छिन्द्रनाथको रथयात्रा शुरु गरिएको छ । रथयात्रा सुरु गर्नुअगि केलटोलबाट मच्छिन्द्रनाथलाई दरबारमार्गस्थित तीनधारा पाठशाला अगाडि बनाइएको रथमा रथारोहण गराइन्छ । प्रत्येक वर्ष चैत्र शुक्ल अष्टमीको दिनबाट रथयात्रा शुरु गरिन्छ । काठमाडौँको पुरानो बस्ती असन, वसन्तपुर, जैसीदेवल, लगन हुँदै रथयात्रा मच्छेन्द्रबहालमा ल्याएर अन्त्य गरिन्छ ।

आज पहिलो दिन सेतो मच्छिन्द्रनाथलाई जमलबाट असनसम्म पु-याइन्छ । अर्को दिन असनबाट हनुमान ढोका अगाडिसम्म र त्यसको भोलिपल्ट अर्थात् तेस्रो दिन मच्छिन्द्रनाथको रथ तानेर हनुमान ढोकाबाट लगनसम्म लैजाने चलन छ । रथ लगनमा पुगेपछि त्यहाँ रहेको मच्छिन्द्रनाथकी आमाको मन्दिर र मां सीमा नामक रुखलाई तीनपटक परिक्रमा गराई जात्राको समापन गरिन्छ ।

रथ लगन टोलमा पुगे पछि जीवित देवी कुमारीलाई पनि देखाउने चलन छ ।

तपाइँको प्रतिक्रिया