शनिबार, मंसिर २४, २०७९

राष्ट्रिय सभा सदस्यका उम्मेद्वारको खर्च सीमा तोकियो, तीन लाख ५० हजार भन्दा बढि खर्च गर्न नपाउने

फ्ल्यासन्युज नेपाल२०७८ पुष २१ गते १२:१४

काठमाडौं । निर्वाचन आयोगले राष्ट्रिय सभा सदस्य निर्वाचनमा उम्मेदवारहरूले गर्न पाउने खर्चको सीमा तोकेको छ । माघ १२ मा हुने निर्वाचनका लागि उम्मेदवारहरूले मनोनयन दर्ता गरिसकेका छन्। मतदाता नामावली खरिददेखि प्रतिनिधि परिचालनलगायत विभिन्न शीर्षकमा ३ लाख ५० हजार खर्च गर्न सक्ने आयोगको भनाइ छ। सवारी साधन-घोडा प्रयोग गर्न ७० हजार खर्च गर्न पाइनेछ।

कार्यालय सञ्चालन गर्न पनि ७० हजार खर्च गर्न मिल्ने आयोगको भनाइ छ। रिक्त १९ पदका लागि विभिन्न दलबाट ४४ जनाले उम्मदेवारी दिएका छन्। मुख्य प्रतिस्पर्धा सत्तारूढ पाँच दल र प्रमुख प्रतिपक्षी नेकपा एमालेका उम्मेदवारबीच हुनेछ।

तपाइँको प्रतिक्रिया