थप २१ जना कोरोना संक्रमितको मृत्यु

काठमाडौं । नेपालमा थप १,८७५ जनामा कोरोनाभाइरस सङ्क्रमण र २१ जनाको मृत्यु भएको स्वास्थ्य तथा जनसङ्ख्या मन्त्रालयले जनाएको छ।

शनिवार अपराह्ण प्रकाशित तथ्याङ्कअनुसार १०,०६६ जनाको परीक्षण गर्दा त्यति सङ्ख्यामा सङ्क्रमण पुष्टि भएको हो।

तीमध्ये ३,२०८ जनाको परीक्षण एन्टिजन विधिबाट र अरूको पीसीआर विधिबाट गरिएको हो।

कुल परीक्षणको झन्डै १९ प्रतिशतमा सङ्क्रमण देखिएको मन्त्रायलको तथ्याङ्कले देखाउँछ।