बिहीबार, असोज २०, २०७९

माओवादी केन्द्रले खोस्यो गृहमन्त्री बादलकाे सांसद पद

फ्ल्यासन्युज नेपाल२०७७ चैत २७ गते १५:१२

काठमाडौं । नेकपा माओवादी केन्द्रले गृहमन्त्री रामबहादुर थापा ‘बादल’लाई पार्टीबाट निलम्बित गर्दै सांसद् पद खोसेको छ । माओवादी केन्द्रले पार्टी छोडेर एमालेमा प्रवेश गरेका गृहमन्त्री बादललाई राजनीतिक दलसम्बन्धी ऐन २०७३ दफा ३४ (१) अनुसार दल त्यागको सूचना संसद् सचिवालयमा दर्ता गरेसँगै दलबाट निलम्बित गरेको छ।मन्त्री बादलले दल त्याग गरेको सूचना संसद् सचिवालयमा माओवादी केन्द्रका राष्ट्रिय सभाका सांसद दिनानाथ शर्माले दर्ता गराएका छन् । गृहमन्त्री बादलसँगै राष्ट्रियसभाका अर्का सांसद चन्द्रबहादुर खड्कालाई पनि स्पष्टीकरण सोधिएको छ।

राष्ट्रियसभामा माओवादी केन्द्रबाट सांसद बनेका बादल छ वर्ष र खड्का चार वर्षका लागि राष्ट्रियसभा सदस्य बनेका हुन् ।यसअघि बिहीबार माओवादी छाडेर एमालेमा प्रवेश गरेका टोपबहादुर रायमाझी, लेखराज भट्ट, प्रभु साह र गौरीशंकर चौधरीलाई पार्टीबाट निलम्बित गरेको छ ।

तपाइँको प्रतिक्रिया