नेपालमा आज कोरोनाबाट मृत्यु शून्य, २१३ संक्रमित थपिए

काठमाडौँ । नेपालमा पछिल्लो चौबीस घण्टामा कोरोना संक्रमणका कारण थप कसैको पनि मृत्यु भएको छैन । बिहीबारको यो तथ्यांक कोरोना संक्रमण दर उच्च भएयताकै शून्य हो । हालसम्म नेपालमा कोरोनाका कारण ज्यान गुमाउनेको संख्या दुई हजार २० पुगेको थियो ।

गएको चौबीस घण्टामा तीन हजार ७९१ जनाको पीसीआर परीक्षण गरिएकोमा २१३ जनाको रिपोर्ट पोजेटिभ आएको छ । योसँगै नेपालमा कोरोना संक्रमितको संख्या दुई लाख ७० हजार ५८८ पुगेको छ ।