बिहीबार, मंसिर १५, २०७९

भारतमा जिलेटिन लोड गरिएको ट्रक विष्फोट हुँदा ८ जनाको मृत्यु

फ्ल्यासन्युज नेपाल२०७७ माघ १० गते ८:२८

एजेन्सी । भारतको कर्नाटक राज्यमा जिलेटिन लोड गरिएको ट्रक विष्फोट हुँदा ८ जनाको मृत्यु भएको छ । मजदुरहरुसमेत सवार सो ट्रक कर्नाटकको शिवमोगा जिल्लामा गएराति विष्फोट भएको हो ।

विष्फोटपछि फैलिएको गन्ध र अँध्यारो भएका कारण उद्धारको काम प्रभावकारी हुन नसकेको बताइएको छ । सो स्थानमा विष्फोटक पदार्थहरु भएको हुनसक्ने आशंकामा बम डिस्पोजल टोली पठाइएको छ । प्रहरीले घटनास्थल वरपरको क्षेत्र नियन्त्रणमा लिएको छ ।

स्थानीयले विष्फोटको समयमा भूकम्प गएजस्तो महसुस भएको बताएका छन । धेरैजसो घरका झ्याल र ढोकाका सिसा फुटेका छन । विष्फोटको आवाज छिमेकी जिल्लाहरुमा समेत सुनिएको बताईएको छ ।

तपाइँको प्रतिक्रिया