शुक्रबार, असोज २१, २०७९

अमेरिकाको ४६ औं राष्ट्रपतिका रूपमा आज बाइडेनले ३५ शव्दमा शपथ ग्रहण गर्दै

फ्ल्यासन्युज नेपाल२०७७ माघ ७ गते ९:०१

एजेन्सी ।अमेरिकाको ४६ औं राष्ट्रपतिका रूपमा आज ७८ वर्षीय जो बाइडेनले शपथ ग्रहण गर्दै छन् । नोभेम्बर तीनमा भएको निर्वाचनमा निर्वाचित बाइडेनले पूर्व निर्धारित कार्यक्रम अनुसार आज बेलुका अमेरिकी संसद् भवनमा शपथ ग्रहण गर्न लागेका हुन् ।

बाइडेनले जम्मा ३५ शब्दको शपथ खाने अन्र्तराष्ट्रिय सञ्चारमाध्यमले जनाएका छन् । कोरोना महामारीका कारण शपथ कार्यक्रम सामान्य बनाइएको छ । शपथ समारोहमा एक हजार दुई सय मानिस स्वास्थ्य सुरक्ष मापदण्ड अपनाएर सहभागि हुने बताइएको छ ।

बाइडेनको जित प्रमाणित गर्न आयोजित संसद बैठकमा ट्रम्प समर्थकले आक्रमण गर्दा प्रहरी सहित पाँच जनाको मृत्यु भएकाले सपथ समारोहमा सुरक्षा सतकर्ता बढाइएको छ ।

शपथ ग्रहण गर्नुअगाडि नै अमेरिकी संसद् भवन वरपर २० हजारभन्दा बढी सैनिक तैनाथ गरिएका छन् । हिंसात्मक प्रदर्शन हुनसक्ने अनुमानले पचासवटै राज्यमा सुरक्षा व्यवस्था कडा पारिएको छ ।

तपाइँको प्रतिक्रिया